淡淡定，有錢剩？

一個股票初哥好容易犯嘅錯誤就係所謂「睇定啲先」。但係當你揸住股票嘅時候，「睇定啲先」其實根本就係「決定」唔賣，反之亦然。唔做決定都算啦，自己做咗決定都唔知就真係天真嬌啦。

咁嘅錯誤最容易發生係大調整頭兩三日。初哥見到調整，十居其九都係條件反射，話冷靜啲，睇定啲先。於是當佢真係睇定啦，嗰市已經跌到癡咗線，冇埞好走。邊有比你睇定咗再慢慢走咁筍嘅事呢。又或者好似依家咁，每日陰啲陰啲咁跌，每日都「睇定啲先」就會比人陰乾咗。

「喂！老老實實，吓吓都一跌就走，點炒股票呀？咪好多升幅都食唔到？」係㗎，無可能次次都估中邊次調整係堅，邊次係流。不過，只要我哋避到股災嘅次數多個錯失好機會嘅次數，又或者錯失嘅根本只不過係糖仔，我平均都係賺錢。至於命中率嘅高低……講經驗啦。

至於無經驗可以點？咁就要記住睇住我哋嗰 Blog 同 Facebook Page 啦！由呢個星期開始，每嗰星期一我哋都會寫一段本週策略供大家參考，有咩問題亦都不妨message我哋，大家切磋一下。鐘意就記住 Like我哋，比啲鼓勵我哋啦！