房謀杜斷

唐朝唐太宗時期有所謂「房謀杜斷」，所謂「房知杜之能斷大事，杜知房之善建嘉謀」。其二人各有所長，互相配合。房玄齡講完一大輪嘢，if-then-else完之後就會同唐太宗講話佢要講嘅已經講晒，但係揸主意呢家嘢都係搵返杜如晦嚟做啦，從此，房玄齡同杜如晦就協助了唐太宗成就咗貞觀之治。

Liquidity Provider 同埋後面相關嘅嘢，其實亦都係兩個人嘅集體創作。一個講就天下無敵，但係做就…另一個唔知點解聽完就自然知要點做，真係寫個服字比佢。就算呢個blog嘅Facebook廣告都係一個講完可以點做點做，另一個再決定幾時做同埋對咩人做。

睇得呢個blog多，你可能會覺得好似有個人精神分裂成日係度同自己鬧交咁樣，原因就是如此。唉，之但係其實炒股票，溝女甚至做人又何嘗不是如此呢？

希望我哋可以藉住呢個blog俾到一個refreshing嘅感覺大家啦！