港匯非常之強，但係ADR又非常之弱。唯有用今個星期一用過嘅策略，如果港股keep住跌五百點或更多，而細價股隻隻跌6、7%嘅話，就考慮走咗啲股票。其他情況聽日再即興創作。
補充些少，ADR跌，恆指聽日可以隨時照升。但係港匯強爆燈，港股反而狂插就真係少見啲。所以都仲係偏向睇好後市。
有一種情況好耐冇見，但係依家個feel都有少少似，唔排除聽日會出現，就係恆指狂插700點咁上下先，跌破支持線，兼殺晒嗰啲跌500點就即刻止蝕嘅人，之後先反高潮升200點收市，仲破埋近期阻力添。
所以就算聽日真係跌500點，我哋都唔會即刻止蝕住，會留意以上呢個情況出現。話時話，如果之前七、八年唔係親身經歷過呢種情況，再加上自己都試過低位『止蝕』嘅話，以上呢個考慮應該幾難寫到出嚟，段嘢背後真係有血有淚……
